சட்டமன்றம் கலைக்கப்பட்டாலும் செப்டம்பர் வரை மலிவு விற்பனைத் தொடரும்
ganapathy
Jun 20, 2023
80
ஷா ஆலம்,21 ஜூன் 2023
வரும் வெள்ளிக்கிழமை சிலாங்கூர் மாநில
சட்டமன்றம் கலைக்கப்பட்டாலும் சிலாங்கூர் மாநில விவசாய
மேம்பாட்டுக் கழகத்தின் (பி.கே.பி.எஸ்.) ஏற்பாட்டில் நடைபெறும் மலிவு
விற்பனைக்கு எந்த பாதிப்பும் வராது.
வாழ்க்கைச் செலவின அதிகரிப்பால் பாதிக்கப்பட்டுள்ள மக்களுக்கு உதவும்
நோக்கிலான இந்த ரஹ்மா ஏசான் மலிவு விற்பனைத் திட்டம்
மாநிலத்திலுள்ள அனைத்து 56 தொகுதிகளிலும் தொடர்ந்து நடத்தப்படும்
என்று விவசாயத் துறைக்கான ஆட்சிக்குழு உறுப்பினர்
இஷாம் ஹஷிம் கூறினார்.
இதற்கான திட்டம் வரைப்பட்டு விட்டதோடு மாநிலச் சட்டமன்றம்
கலைக்கப்பட்டாலும் எதிர்வரும் செப்டம்பர் மாதம் வரை இந்த திட்டத்தை
நாங்கள் நிச்சயம் தொடர்வோம். குடும்பச் செலவினத்தைக் குறைக்க
மாநில அரசின் இந்த திட்டம் துணை புரிகிறது என அவர் சொன்னார்.
\
