Categories
சினிமா

உடைகளை ஏலம்விட்டு கொரோனா நிதி திரட்டும் நித்யா மேனன்

Categories
சினிமா

கமலுடன் வேட்டையாடு விளையாடு 2 – உறுதி செய்த கவுதம் மேனன்

இயக்குனர் கவுதம் மேனன் இயக்கத்தில் கமல் நடித்த வேட்டையாடு விளையாடு படத்தின் இரண்டாம் பாகம் உருவாக உள்ளது

Categories
சினிமா

நடிகர் சேதுராமன் மரணம் – “நீ திரும்பி வர மாட்டாயா…” – திரைப்பட நடிகர் சேது மாரடைப்பில் மரணம்

Categories
சினிமா

தமிழ் இயக்குனரின் பாலியல் தொல்லை: அம்பலமாக்குவேன்! -நடிகை ஸ்ரீரெட்டி!

தமிழ் இயக்குனரின் பாலியல் தொல்லை: அம்பலமாக்குவேன்! -நடிகை ஸ்ரீரெட்டி!

 தமிழ்ப்பட இயக்குனர் ஒருவர் தனக்கு பாலியல் தொல்லை கொடுத்ததாக சர்ச்சைக்குரிய ‘அம்பலம் புகழ்’ தெலுங்கு நடிகையான ஸ்ரீரெட்டி தெரிவித்துள்ளார்.

தெலுங்குத் திரையுலகில் பட வாய்ப்புக் கோரும் நடிகைகளை உல்லாசத்திற்கு அழைக்கும் பழக்கம் தற்போது அதிகரித்துள்ளது என்று துணிச்சலாக தெரிவித்தவர் பரபரப்பை ஏற்படுத்தியவர் ஸ்ரீரெட்டி.

மேலும் தெலுங்கு திரையுலகப் பிரபலங்களின் பெயர்களை வெளியிட்டு அவர்கள் செய்த லீலைகளின் விபரங்களை விளாவாரியாக அம்பலப்படுத்தியவர் அவர்.

நடிகர் ராணாவின் தம்பி அபிராம் தனக்கு படவாய்ப்பு வாங்கித் தருவதாகக் கூறி படுக்கையை பகிர்ந்ததாக ஸ்ரீரெட்டி புகார் தெரிவித்தார். மேலும், ஆபிராம் தன்னுடன் நெருக்கமாக இருக்கும் புகைப் படங்களையும் வெளியிட்டார்.

அது போல தமிழ் இயக்குனர் ஒருவர், தனக்கு பாலியல் தொல்லை கொடுத்தகாக புதுக் குண்டை தூக்கி போட்டுள்ளார் ஸ்ரீரெட்டி. அந்த இயக்குனர் யார் என்று விபரத்தை விரைவில் வெளியிடுவதாகவும் கூறியுள்ளார்.

யார் மீது குற்றம் சுமத்தினாலும் அதற்கான ஆதாரங்களையும் ஶ்ரீரெட்டி சேர்த்து வெளியிடுவார். அந்தத் தமிழ் இயக்குனர் யாராக இருக்கும் என்று ஆளாளுக்கு யூகிக்கத் துவங்கிவிட்டனர்.

தனக்கு நடந்த அந்த ஒரு சம்பவத்தை தவிர்த்து தமிழ் சினிமா, பெண்களை மரியாதையுடன் நடத்துவதாக ஸ்ரீரெட்டி கூறியுள்ளார். ‘நான் விரைவில் தமிழ்ப் படத்தில் நடிப்பேன்’ என்கிறார் ஸ்ரீரெட்டி.

Categories
உலகம் சினிமா

இந்தியாவில் ஆபாசப் படத்துறையை அனுமதிக்க வேண்டுமா? – சன்னி லியோனி பேட்டி

இந்தியாவில் ஆபாசப் படத்துறையை அனுமதிக்க வேண்டுமா? – சன்னி லியோனி பேட்டி

இந்திய ஆபாசப்பட துறையை பற்றி என்ன நினைக்கிறார் சன்னி லியோன்?

சன்னி லியோனி பற்றிய இணையதள தொடரான ‘கரஞ்சித் கௌரில்’ வரும் ஒரு காட்சியில் பத்திரிகையாளர் ஒருவர், சன்னி லியோனிடம் “ஆபாசப்பட நடிகைக்கும், பாலியல் தொழிலாளிக்கும் என்ன வேறுபாடு?” என்று கேட்டார்.

“இரண்டுக்கும் தைரியம் என்ற ஒற்றுமை உள்ளது” என்று சன்னி லியோனி பதிலளித்திருந்தார்.

நான் சன்னி லியோனியை மும்பையிலுள்ள ஒரு ஓட்டலில் நேர்காணலுக்காக சந்தித்தபோது, அவரிடம் உள்ள அந்த ‘தைரியத்தை’ அவரது நடை, முகம், பதில்களின் மூலம் காண முடிந்தது.

அப்போது அந்த இணையதள தொடருக்கான நேர்க்காணலை படம்பிடிப்பது சவாலானதாக இருந்ததாக அவர் என்னிடம் கூறினார்.

“அந்த பத்திரிகையாளர் கேட்ட கேள்விகள் மிகவும் மோசமானதாக இருந்ததால், நான் மிகவும் சங்கடமாக உணர்ந்தேன். ஆனால், இதை மக்கள் பெரும் எதிர்பார்ப்புடன் எதிர்பார்த்து காத்திருந்ததால்தான் அந்த கேள்விகளுக்கு நான் பதிலளித்தேன்” என்று சன்னி லியோனி கூறினார்.

தொடர்ந்து ஐந்தாவது வருடமாக இந்தியாவில் இணையதளத்தில் மிகவும் தேடப்பட்ட நபராக சன்னி உள்ளார். பெரும்பாலான மக்கள் சன்னி லியோனியை பார்ப்பதற்கும், அவரை பற்றி தெரிந்துகொள்வதற்கும் விரும்பினாலும், அவரைப் பற்றிய தங்களது எண்ணத்தை மக்கள் ஏற்கனவே மனதில் வரைந்துவிட்டார்கள்.

இந்திய ஆபாசப்பட துறையை பற்றி என்ன நினைக்கிறார் சன்னி லியோன்?

 

“என்னைப் பற்றியும், நான் என்ன நினைக்கிறேன் என்பது பற்றியும் நான் நேர்மையாக இருக்கிறேன். ஆனால், மக்கள் என்னுடைய கடந்த காலத்தை தொடர்புப்படுத்தி மட்டுமே என்னை பார்க்கிறார்கள். மக்களிடையே அது போன்ற எண்ணம் உருவாவதற்கு நான்தான் காரணம் என்று நம்புறேன். இருப்பினும் ஒவ்வொரு தனி நபரும் வாழ்க்கையின் ஒரு கட்டத்தில் பரிணமிக்கிறார்கள், அதை மக்கள் உணருவார்கள் என்று நம்புகிறேன்.”

தொடக்கத்தில் பாலிவுட் திரைப்படங்களில் “குத்தாட்டப் பாடலில்” நடித்த சன்னி, தற்போது சில திரைப்படங்களில் முக்கிய வேடங்களில் தொடர்ந்து நடித்து வருகிறார். சமீபத்தில் தனது சொந்த வாசனை திரவிய தயாரிப்பான ‘தி லஸ்ட்’ ஐ (இச்சை என்று பொருள் தரும் சொல்) அவர் அறிமுகப்படுத்தினார்.

வாசனை திரவிய தயாரிப்புக்கு வைக்கப்பட்டுள்ள பெயர், அவரைப் பற்றிய கடந்தகால எண்ணத்தை மக்களிடையே மீண்டும் ஏற்படுத்துமா என்று அவரிடம் கேட்டேன்.

அதை மறுத்த சன்னி, தனது வயதில் வாசனை திரவியத் தயாரிப்பை அறிமுகப்படுத்துவது என்பது ஒவ்வொரு பெண்ணின் கனவு என்றும், தனக்கு அந்த வாய்ப்பு கிடைத்தபோது, இந்த பெயரையே தான் விருப்பியதாகவும் அவர் கூறினார்.

“செடுஷன் அல்லது ஃப்யர், ஐஸ் போன்ற பெயர்களைத்தான் மற்ற தயாரிப்பாளர்களும் பயன்படுத்துகின்றனர்” என்று அவர் கூறினார்.

சன்னி லியோனியின் இயற்பெயர் கரஞ்சித் கௌர் ஆகும்.

இந்திய ஆபாசப்பட துறையை பற்றி என்ன நினைக்கிறார் சன்னி லியோன்?

ஆபாசப்பட திரையில் பணியாற்றிய சன்னி லியோனின் வாழ்க்கை வரலாற்று படத்தின் தலைப்பில் ‘கௌர்’ என்ற வார்த்தை இடம் பெறுவதற்கு தீவிர சீக்கிய மத அமைப்பான, ஷிரோமணி குருத்வாரா பிரபந்தக் கமிட்டி (SGPC), அது சீக்கிய மதத்தின் முக்கிய வார்த்தைக்கு களங்கம் ஏற்படுத்துவதாக கூறியதுடன், எதிர்ப்பும் தெரிவித்தது.

இது குறித்து சன்னியிடம் கேட்டதற்கு, அந்த பெயரை தனது பெற்றோர்கள் சூட்டியதாகவும், இதே பெயர்தான் தனது கடவுச்சீட்டில் உள்ளது என்றும் அவர் கூறினார்.

“எப்போதுமே என்னுடைய உண்மையான பெயர் கரஞ்சித் கௌர்தான். சன்னி என்ற பெயரை நான் செய்யும் தொழிலுக்காக மட்டும்தான் பயன்படுத்தினேன்” என்று மேலும் கூறினார்.

  • தான் ஆபாசப்படத் துறையில் பணியாற்றியதற்கு சன்னி லியோன் என்றுமே வெட்கப்பட்டதில்லை. மேலும், தானே விருப்பப்பட்டு அதை தேர்ந்தெடுத்ததாக அவர் பல முறை கூறியுள்ளார்.

தனிப்பட்ட முறையில் ஆபாசப்படங்களை பார்ப்பதற்கு இந்தியாவில் தடையேதும் இல்லை. ஆனால், ஆபாசமான உள்ளடக்கத்தை தயாரிப்பதற்கும்/ பகிர்வதற்கும் சட்டரீதியாக தடை உள்ளது.

உலகிலேயே ஆபாசப்படத்தை அதிகம் பார்ப்பவர்கள் உள்ள நாடுகள் பட்டியலில் அமெரிக்கா, பிரிட்டன், கனடாவுக்கு அடுத்து இந்தியா நான்காவது இடத்தை பிடித்துள்ளதாக பிரபல ஆபாசப்பட இணையதளமான போர்ன்ஹப் தெரிவித்துள்ளது.

இந்திய ஆபாசப்பட துறையை பற்றி என்ன நினைக்கிறார் சன்னி லியோன்?

இந்தியாவில் ஏன் ஆபாசப்படத் துறை அனுமதிக்கப்பட வேண்டும்?

சற்றும் யோசிக்காத சன்னி, “இதில் நான் முடிவெடுப்பதற்கு ஒன்றுமில்லை. இந்திய அரசாங்கமும், அதன் மக்களும்தான் தங்களுக்கு எது வேண்டும் என்பது குறித்து முடிவெடுக்க வேண்டும்” என்று பதிலளித்தார்.

ஆபாசப்படத்துறை பாலியல் உறவு சார்ந்த உரையாடல்களை இயல்பாக்க உதவுகிறதா? அமெரிக்காவில் இதுகுறித்த உங்களது அனுபவம் என்ன?

தனது தேர்வு எவர் மீதும் வலுக்கட்டாயமாக திணிக்கப்பட்ட கூடாது என்றும், சமூகத்தின் கருத்து குடும்பங்களாலும், ஒரு பெண்ணின் கருத்து அவரை அவர்களது பெற்றோர் வளர்க்கும் விதத்தை பொறுத்தும் அமைகிறது என்றும் அவர் கூறினார்.

ஆபாசப்படத்துறையில் இணையும் சன்னியின் முடிவுக்கு அவரது பெற்றோர் சம்மதம் தெரிவிக்கவில்லை. ஆனால், தனது பெற்றோர் தன்னை ஒரு சுதந்திரமான பெண்ணாக வளர்த்ததனால்தான் தன்னால் சுயமாக முடிவுகளை எடுக்கமுடிந்தது என்று நம்புவதாக சன்னி லியோன் கருதுகிறார்.

தற்போது சன்னிக்கு மூன்று குழந்தைகள் உள்ளன. ஒரு பெண் குழந்தையை தத்தெடுத்த சன்னி லியோன், இரண்டு ஆண் குழந்தைகளை வாடகைத்தாயின் மூலம் பெற்றெடுத்தார்.

உங்களது குழந்தைகள் அவர்களது வாழ்க்கையில் சுயமாக முடிவுகளை எடுப்பதற்கு சுதந்திரம் அளிப்பீர்களா?

“கண்டிப்பாக, அவர்கள் அனைத்தையும் தெரிந்துகொள்ள வேண்டுமென்றும், செவ்வாய் கிரகத்துக்கு செல்லவேண்டுமென்றும் நான் விரும்புகிறேன். ஆனால், தங்களது வாழ்க்கையில் முடிவுகளையும், பயணத்தையும் அவர்களாகவே தேர்ந்தெடுக்க வேண்டும்” என்று அவர் பதிலளித்தார்.

இந்திய ஆபாசப்பட துறையை பற்றி என்ன நினைக்கிறார் சன்னி லியோன்?

எனது கடைசி கேள்வி கிட்டத்தட்ட மிகவும் சங்கடமானது. சன்னி லியோனை பற்றி கரஞ்சித் கௌர் பதில் அளிக்கும் வகையில் அந்த கேள்வி இருந்தது.

உங்களது கடந்தகால தொழிலை பற்றி உங்களது குழந்தைகளிடம் விளக்க முடியுமா?

சன்னி அந்த கேள்வியை விரும்பவில்லை. ஆனால், சிந்தனை அவரது மனதை கடந்துபோனது போல் இல்லை.

அவரது கடந்தகால வாழ்க்கை முடிவுகளின் வீழ்ச்சி மற்றும் அதன் காரணமாக மக்களின் மனதில் உருவான மனப்பான்மை, உருவம் ஆகியவற்றைக் கொண்டு அவர் வாழ்வது அவ்வளவு எளிதானது அல்ல.

ஆனால், தனது அதே தைரியத்துடன், ‘என்னுடைய பொதுவான கவலைகளில் தற்போது அது இல்லை’ என்று சன்னி லியோன் கூறினார். நீண்டகாலமாக தாயாவதன் மீது மிகுந்த நம்பிக்கை கொண்டிருந்த அவர், தற்போது அந்த அனுபவத்தின் ஒவ்வொரு தருணத்தையும் ரசித்து வருகிறார்.

மேலும், சரியான நேரம் வரும்போது, தனது வாழ்க்கையை பற்றி குழந்தைகளிடம் நேர்மையாக இருப்பேன் என்றும் அவர் கூறினார்.

Categories
சினிமா

சினிமா விமர்சனம்: விஸ்வரூபம் – 2

சினிமா விமர்சனம்: விஸ்வரூபம் – 2

விஸ்வரூபம் - 2

2013ல் வெளியான விஸ்வரூபம் திரைப்படத்தின் இரண்டாம் பாகம். முந்தைய படத்தில் வரும் சம்பவங்களுக்கு முன்னும் பின்னுமாக நகர்கிறது இந்தப் பாகம்.

முதல் பாகத்தில் விஷ் என்ற மாறுவேடத்தில் அமெரிக்காவில் வசிக்கும் விஸாம் அகமது கஷ்மீரி, நியூயார்க் நகரில் நிகழவிருந்த வெடிகுண்டு தாக்குதலைத் தடுக்கிறார். அந்தத் தாக்குதலைத் திட்டமிட்ட ஒமர் தப்பிவிடுகிறார். இந்த இரண்டாம் பாகம் அதிலிருந்து துவங்குகிறது.

திரைப்படம் விஸ்வரூபம் – 2
நடிகர்கள் கமல்ஹாசன், பூஜாகுமார், ஆண்ட்ரியா, சேகர் கபூர், ராகுல் போஸ், ஆனந்த் மகாதேவன், வஹீதா ரெஹ்மான்
இசை கிப்ரான்
ஒளிப்பதிவு ஷானு வர்கீஸ்
கதை – இயக்கம் கமல்ஹாசன்

இந்தப் பாகத்தின் கதைச் சுருக்கத்தை சுருக்கமாக இப்படிச் சொல்லலாம்: அமெரிக்காவிலிருந்து இந்தியா திரும்பும் வாசிம் (கமல்ஹாசன்), லண்டனிலும் இந்தியாவிலும் நடக்கவிருக்கும் இரண்டு மாபெரும் குண்டுவெடிப்புகளைத் தடுத்து நிறுத்துகிறார். முடிவில் வில்லனான ஒமர் (ராகுல் போஸ்) கொல்லப்படுகிறார்.

இந்த மோதல்களில், சக ‘ரா’ ஏஜென்ட்டான அஸ்மிதாவும் (ஆண்ட்ரியா) கொல்லப்படுகிறார். வாசிமை தவறாப் புரிந்துகொண்டிருக்கும் நிரூபமா (பூஜா குமார்), அவரை நேசிக்க ஆரம்பிக்கிறார்.

இந்தக் கதை தவிர, முந்தைய பாகத்தின் சில சம்பவங்களுக்கு முன்னும் பின்னுமான வேறு சில காட்சிகளும் படத்தில் உண்டு.

விஸ்வரூபம் - 2

முதல் பாகத்தில் ஒமர் தப்பிவிட, அவரை நாயகன் எப்படி துரத்திப் பிடிக்கிறார் என்பதுதான் இந்த இரண்டாம் பாகமாக இருக்கக்கூடும் என ஒருவர் எதிர்பார்க்கலாம். ஆனால், அப்படி எந்த ஒரு குறிப்பிட்ட இலக்கையும் நோக்கி படம் செல்வதில்லை.

அதனாலேயே, படம் முழுவதும் பிரதான கதை எப்போது ஆரம்பிக்கும் – எப்போது முடியும் என்ற அச்சம் இருந்துகொண்டே இருக்கிறது. ஆனால், நல்ல வேளையாக சுமார் 2 மணி நேரத்தில் முடிந்துவிடுகிறது படம்.

படத்தின் முதல் பாகத்தில் இருந்த விறுவிறுப்போ, தெளிவான கதையோட்டமோ இந்த இரண்டாம் பாகத்தில் இல்லை. துண்டு துண்டாக, தெளிவற்ற தொடர்ச்சியோடு கடந்து போகின்றன காட்சிகள்.

முதல் படத்தில் மிகப் பெரிய ஆக்ஷன் காட்சியாக அமைந்து அசரவைத்த ஆஃப்கானிஸ்தான் தாக்குதல் காட்சிகள், இந்தப் படத்தில் பல இடங்களில் திரும்பத் திரும்ப வருகின்றன.

முதல் பாதியில் அமெரிக்காவிலிருந்து லண்டன் வரும் வாசிம், இங்கிலாந்தில் நடக்கும் ஒரு குண்டுவெடிப்பைத் தடுக்கிறார். ஆனால், அது தொடர்பான காட்சிகள் எல்லாமே நீளமாக, போரடிக்கும் வகையில் இருக்கின்றன.

இடைவேளைக்குப் பிறகு, இந்தியாவில் நடக்கும் குண்டுவெடிப்பைத் தடுக்கிறார். இதிலும் அதே பிரச்சனை. இடைவேளைக்கு முன்பு ஒரு க்ளைமாக்ஸ், இடைவேளைக்குப் பின்பாக ஒரு க்ளைமாக்ஸ் என அமைந்திருந்தாலும் எதிர்பார்ப்பையோ, த்ரில்லையோ இந்தக் காட்சிகள் ஏற்படுத்தவில்லை.

விஸ்வரூபம் - 2

ஹெலிகாப்டர்கள் பறக்கின்றன, ஏவுகணைகளை வீசுகிறார்கள், கத்தியாலோ, துப்பாக்கியாலோ யாராவது யாரையாவது கொலை செய்கிறார்கள், கை – கால்களை ஒடிக்கிறார்கள், சக பெண் அதிகாரி நாயகனுடன் தொடர்ந்து சரசமாடிக்கொண்டேயிருக்கிறார்,

எதிர்பாரா இடங்களில் இருந்து துரோகிகள் முளைக்கிறார்கள் என முதல் பாகத்தில் இருந்த எல்லாமும் இந்த பாகத்திலும் இருக்கின்றன. ஆனால், தாங்கவே முடியாத விதத்தில்.

துரதிர்ஷ்டவசமாக ஒரு காட்சிகூட அப்படி அமையவில்லை. ஒற்றைக் கண்ணோடும், பேசமுடியாமலும் வரும் வில்லனான ஒமர், பல இடங்களில் அச்சத்திற்குப் பதிலாக சிரிப்பையே ஏற்படுத்துகிறார்.

முதல் பாகத்தில் பாடல் காட்சிகளிலும் சண்டைக் காட்சிகளிலும் ஆச்சரியத்தை ஏற்படுத்திய கமல், இந்த பாகத்தில் ‘நம்பி படம் பார்க்க வந்தவர்களை இப்படிச் செய்யலாமா?’ என்று கேட்க வைக்கிறார்.

ஒட்டுமொத்தப் படத்திலும் ஆனந்த் மகாதேவனுடனான ஓர் உரையாடல் காட்சிகளில் மட்டுமே பழைய கமலைப் பார்க்க முடிகிறது.

விஸ்வரூபம் - 2

நிரூபமாவாக வரும் பூஜாவுக்கு ஆண்ட்ரியா – கமல் உறவைப் பார்த்துப் பொறாமைப்படுவதே முக்கியப் பணி. ஒரே ஒரு காட்சியில் கடலடியில் மூழ்கி வெடிகுண்டை செயலிலக்கச் செய்கிறார். ரா ஏஜென்ட் அஸ்மிதாவாக வரும் ஆண்ட்ரியா, ரசிகர்களை வெகுவாகக் கவர்கிறார்.

1972ல் எம்.ஜி. ராமச்சந்திரன் திராவிட முன்னேற்றக் கழகத்திலிருந்து விலகி, அ.தி.மு.க. என்ற கட்சியை துவங்கி சில மாதங்களில் அவர் இயக்கி நடித்த உலகம் சுற்றும் வாலிபன் வெளியானது.

வெளியானபோது பெரும் வெற்றிபெற்ற இந்தப் படம், தொடர்ச்சியற்ற, சம்பந்தமில்லாத திரைக்கதையையும் காட்சிகளையும் கொண்டிருந்தது.

கமல்ஹாசனும் புதிய கட்சியைத் துவங்கியிருக்கும் நிலையில், தனக்கான உலகம் சுற்றும் வாலிபனாக இந்தப் படத்தைக் கருதியிருக்கக்கூடும். அதற்கேற்றபடியே படத்தின் துவக்கத்தில் மக்கள் நீதி மய்ய பிரசாரக் காட்சிகளையும் இணைத்திருக்கிறார்.

ஆனால், விஸ்வரூபம் – 2 ரசிகர்களை குழப்பத்திலும் ஏமாற்றத்திலும் தள்ளியிருக்கிறது.

Categories
சினிமா

“வெடிகுண்டு பசங்க” – 1 மில்லியனை நோக்கி…

“வெடிகுண்டு பசங்க” – 1 மில்லியனை நோக்கி…

கோலாலம்பூர் – வெளியிடப்பட்ட 11 நாட்களிலேயே 880 ஆயிரம் ரிங்கிட் வசூலைத் தாண்டி மலேசியத் திரையரங்குககளில் தொடர்ந்து வெற்றிகரமாக நடைபோட்டு வருகிறது ‘வெடிகுண்டு பசங்க’ – உள்ளூர் தமிழ்ப் படம்!

தங்களின் கலை முயற்சிக்கு மலேசிய இந்திய சமுதாயம் வழங்கியிருக்கும் அமோக ஆதரவுக்கு படத்தின் தயாரிப்பாளரும் கதாநாயகனுமான டெனிஸ் குமார் படக் குழுவின் சார்பில் தங்களின் இதயபூர்வமான நன்றியைத் தெரிவித்திருக்கிறார்.

விமலா பெருமாள் இயக்கத்தில், டெனிஸ் குமார்- சங்கீதா நடிப்பில் வெளிவந்திருக்கும் இந்தப் படம் தமிழகத்திலும் திரையிடப்பட்டது என்பது குறிப்பிடத்தக்கது.

மலேசியாவில் குறிப்பாக இந்தியர்களிடையே ஒரு சமூகப் பிரச்சனையாகப் பார்க்கப்படும் நகைகள் பறிப்பு சம்பவங்களை அடிப்படையாகக் கொண்டு இந்தப் படத்தின் திரைக்கதை உருவாக்கப்பட்டிருக்கிறது.

மலேசியாவில் திரையிடப்பட்டிருக்கும் சில பிரபல தமிழக நடிகர்களின் திரைப்படங்களோடு போட்டி போட்டு,  ‘வெடிகுண்டு பசங்க’ படம் இந்த வசூல் சாதனையை நிகழ்த்தியிருக்கிறது என்பது இன்னொரு கவனிக்கத்தக்க சிறப்பு அம்சமாகும்.

Categories
சினிமா

22 வெட்டுகளுடன் வெளியாகிறது ‘விஸ்வரூபம்-2’

22 வெட்டுகளுடன் வெளியாகிறது ‘விஸ்வரூபம்-2’

சென்னை – இந்தியாவின் மத்திய தணிக்கை வாரியத்தின் 22 வெட்டுகளுக்குப் பிறகு ‘விஸ்வரூபம் 2’ படத்துக்கு ‘யு/ஏ’ சான்றிதழ் வழங்கப்பட்டுள்ளது. இதனைத் தொடர்ந்து பெரிதும் எதிர்பார்க்கப்படும் கமல்ஹாசனின் இந்தப் படம் இன்று வெள்ளிக்கிழமை (ஆகஸ்ட் 10) உலகம் முழுவதும் வெளியிடப்படுகிறது.

கமல்ஹாசன் தயாரித்து, இயக்கி, நடித்திருக்கும் படம் ‘விஸ்வரூபம் 2’.  சில ஆண்டுகளுக்கு முன்னர் வெளிவந்து மாபெரும் வெற்றி பெற்றதோடு, பெரும் சர்ச்சைகளையும் ஏற்படுத்திய படம் விஸ்வரூபம். அதன் தொடர்ச்சியாக வெளிவரும் இரண்டாவது பாகம் இது.

ராகுல் போஸ், பூஜா குமார், ஆன்ட்ரியா ஆகியோர் இந்தப் படத்தில் நடித்துள்ளனர். ஜிப்ரான் இசையமைத்துள்ளார்.

இந்தப் படத்தைப் பார்த்த இந்தியாவின் மத்திய தணிக்கை வாரியக்குழு உறுப்பினர்கள், 22 இடங்களில் வெட்டச் சொல்லியிருக்கின்றனர். முதல் பாகத்தில் இருந்தது போன்ற பல வன்முறைக் காட்சிகள் அப்படியே இந்தப் பாகத்திலும் இடம் பெற்றிருக்கிறது.

உலகம் முழுவதும் தமிழ், தெலுங்கு மற்றும் இந்தி என மூன்று மொழிகளில் வெளியாகிறது, விஸ்வரூபம்-2.

மலேசியாவிலும் விஸ்வரூபம் – 2 இன்று வெளியாகும் என எதிர்பார்க்கப்படுகிறது.

Categories
சினிமா

சூர்யா-கார்த்தி விவசாயிகளுக்கு 1 கோடி ரூபாய் வழங்கினர்

சூர்யா-கார்த்தி விவசாயிகளுக்கு 1 கோடி ரூபாய் வழங்கினர்

சென்னை – நடிகர்களாக இருந்தாலும், பல்வேறு சமூகப் பணிகளில் – குறிப்பாக கல்விப் பணிகளில் ஈடுபட்டு வரும் நடிகர் சூர்யா மற்றும் அவரது சகோதரர் கார்த்தி இருவரும் விவசாயிகளின் நலன்களுக்காக 1 கோடி ரூபாய் நன்கொடையாக வழங்கியிருக்கின்றனர்.

சூர்யாவின் தயாரிப்பில் அண்மையில் வெளிவந்த ‘கடைக்குட்டி சிங்கம்’ வசூலில் மாபெரும் வெற்றி பெற்றது. இதில் சூர்யாவின் தம்பி கார்த்தி கதாநாயகனாக நடித்திருந்தார்.விவசாயியாக கார்த்தி நடித்திருந்த இந்தப் படத்தில் விவசாயிகள் சம்பந்தப்பட்ட பல விவகாரங்கள், வசனங்கள் இடம் பெற்றிருந்தன.

இந்தப் படத்தின் வெற்றியைத் தொடர்ந்து கொண்டாடப்பட்ட வெற்றி விழாவில் படக்குழு சார்பில் விவசாயிகளின் நலன்களுக்காக 1 கோடி ரூபாய் வழங்கப்பட்டது. விவசாயிகள் நலன்களுக்காகப் பணியாற்றும் ஐவருக்கு தலா 2 இலட்சம் ரூபாய் வழங்கப்பட்டது.

வைரமுத்து வாழ்த்துக் கவிதை

சூர்யா-கார்த்தியின் நற்பணிகளைப் பாராட்டி வாழ்த்து ஒன்றை கவிதை வடிவில் கவிப்பேரரசு வைரமுத்து தனது டுவிட்டர் பக்கத்தில் வெளியிட்டிருக்கிறார். அந்தக் கவிதை இதோ:

அண்ணன் சிவகுமார் பெற்றெடுத்த

சிங்க மைந்தர்கள்

வேளாண்குடி மக்களுக்கு ஒரு கோடி ரூபாய்

வழங்கியதை வரவேற்கிறேன்; வாழ்த்துகிறேன்.

அன்பு சூர்யா! கார்த்தி! உங்களால் கலைக்குடும்பத்தின்

சமூகமதிப்பு உயர்ந்திருக்கிறது.

கலைத்தொண்டு தொடரட்டும்; காலம் கைதட்டும்.

Categories
Uncategorized சினிமா மாநிலம்

விமர்சனம் : அச்சம் தவிர்’ படம் வெற்றிபெற கூடாதா…..

*‘அச்சம் தவிர்’ படம் வெற்றிபெற கூடாதா… என கங்கணம் கட்டும் சில மலேசிய கலைஞர்கள்!! பொறாமை என்னும் தீ!!*

தமிழ் செல்வி மனோகரன்

‘அச்சம் தவிர்’ மலேசிய திரைப்படம் கடந்த ஜூலை 5-ஆம் தேதி முதல் நாடெங்கிலும் உள்ள திரையரங்குகளில் வெற்றிகரமாக திரையீடு கண்டு பொதுமக்களின் மத்தியில் நல்ல வரவேற்பினைப் பெற்று வருகின்றது என்பது குறிப்பிடத்தக்கது. இத்திரைப்படம் சுமார் 40-க்கும் மேற்பட்ட திரையரங்குகளில் திரையிடப்பட்டுள்ளது.

இத்திரைப்படம் முழுக்க முழுக்க பல மலேசிய கலைஞர்கள் மற்றும் மலேசியாவின் முன்னணி வானொலி நிலையமான ‘ராகா’வின் அறிவிப்பாளர்களும் நடித்துள்ளனர். வயிறு குலுங்க சிரிக்க வைக்கும் நகைச்சுவை மற்றும் சமூகத்தில் பயத்தினால் ஏற்படும் பிரச்சனையை மையமாக முன்வைத்து படமாக்கப்பட்டுள்ளது. இப்படத்தை திரையில் பார்த்த கலைஞர்கள் மற்றும் பொதுமக்கள் தங்களின் கருத்துக்களை சமூக வலைதளங்களில் பகிர்ந்துக்கொண்டு இருக்கின்றனர். அவ்வகையில் பொதுமக்கள் பலர் படம் மிக அருமையாக இருப்பதாகவும், தங்களை வயிறு குலுங்க சிரிக்க வைத்ததாகவும், அது மட்டுமல்லாது இத்திரைப்படத்தை தாராளமாக குடும்பத்துடன் பார்த்து ரசிக்கலாம் என்றும் தங்களின் கருத்துக்களை பகிர்ந்து வருகின்றனர்.

 

இப்படி பொதுமக்களின் பார்வையில் இத்திரைப்படம் நல்ல வரவேற்பு பெற்றுக்கொண்டு இருக்கையில், மறுப்பக்கம் சில மலேசிய கலைஞர்கள் இந்திரைப்படம் வெற்றிபெற கூடாது என கங்கணம் கட்டிக்கொண்டு இருக்கின்றனர். அதுவும் மலேசிய மக்களிடையே நன்கு அறிமுகமான கலைஞர்கள். இதற்கு மூலகாரணம் என்னவென்றால் கலைஞர்கள் மத்தியில் ஏற்படும் பொறாமை குணம். இதனால் படத்திற்கு ஆதரவு கொடுக்க மறுக்கின்றனர். அப்படியே சென்று படத்தை பார்த்தாலும், அது வெறும் கண் துடைப்புக்காக ஒருவர் அல்லது இருவர் சென்று பார்த்துவிட்டு தங்களின் கருத்துக்களை பகிர மறுக்கின்றனர். இது இப்படத்திற்கு ஆதரவு கொடுக்கும் நோக்கத்தில் அல்ல என்பது மிக தெள்ளத்தெளிவாக அறிய முடிகிறது. அதுமட்டுமல்லாது சமூக வலைத்தளங்களை அலசி ஆராய்ந்து பார்க்கும்போதே நன்றாக தெரிகிறது.

 

இந்நாட்டில் மலேசிய கலைஞர்கள் மட்டும் சுமார் 10,000 கலைஞர்கள் இருக்கின்றனர். இவர்கள் அனைவரும் திரைக்கு சென்று படம் பார்த்து ஆதரவு கொடுத்தாலே ஒரு மலேசியா திரைப்படம் படம் வெற்றி பெறுவதற்கு மிகவும் உறுதுணையாக இருக்கும். இதில் பெரும்பாலானோர் குறிப்பாக கலைஞர்கள் படத்தின் ‘premier show’ மட்டும் பார்த்துவிட்டு, கருத்துக்களை பகிர மறுக்கின்றனர். இந்நிலை காலகாலமாக தொடர்ந்துக்கொண்டுதான் இருக்கிறது.

 

ஒரு பக்கம் மக்கள் இப்படத்தை ஏற்றுக்கொண்டு தங்களின் நல்ல கருத்துக்களை பகிர்ந்து வந்தாலும், மறுபக்கம் சில கலைஞர்கள் போராமையின் காரணமாக செய்யும் சில செயல்கள் வருத்தத்தை அளிக்கிறது. இவ்வாறான செயல் மலேசியா படம் அடுத்த கட்டத்தில் அடியெடுத்து வைக்கவும் மற்றும் மலேசியா சினிமா உலகளவில் ஒரு நிலையை நாட்டவும் மிக தடையாக உள்ளது என்றே கூறலாம்.

 

மற்ற சக கலைஞர்கள் ஒரு கலைஞர் வளர்ந்து வருவதற்கு தூண்டுகோலாக இருக்க வேண்டுமே தவிர அவர்கள் வெற்றிப்பாதையை நோக்கிச் செல்லும் போது தடையாக இருக்கக்கூடாது. இவ்வாறான செயல்களை கலைஞர்கள் மாற்றிக்கொள்ள வேண்டும். இல்லையேல் இந்நிலை மேலும் நீடித்தால் மலேசிய சினிமா வளர்வது கடினம்.