Court of Appeal has unanimously dismissed an NGO leader .Zamri Vinoth Kalimuthu.

ganapathy Dec 18, 2024 21

Date : 18 December 2024 News By:RM Chandran

முஸ்லீம் மதத்திற்கு மாறிய Firdaus Wong, ஜம்ரி வினோத் காளிமுத்து ஆகியோர் மீது தனிப்பட்ட முறையில் வழக்குத் தொடர அரசு சாரா அமைப்பு தலைவர் ஒருவரின் இறுதி முயற்சியை மேல் முறையீட்டு நீதிமன்றம் ஒருமனதாக நிராகரித்தது. உலகளாவிய மனித உரிமைகள் கூட்டமைப்பு (GHRF) தலைவர் எஸ். சஷிக் குமார், முஸ்லிம் அல்லாதவர்களின் மதம் சார்ந்த நம்பிக்கை, பழக்கவழக்கங்களை அவமதித்தது தொடர்பில் இருவர் மீதும் வழக்குத் தொடந்தார்

நீதிபதி Ahmad Zaidi Ibrahim , மூன்று ஆண்டுகளுக்கு முன்பு குற்றவியல் நடைமுறைச் சட்டம் (CBC) பிரிவு 133 இன் கீழ் சஷியை விசாரிக்க நீதிபதி Redzah Azar Rezali ஆர்வம் காட்ட வில்லை என்று கூறினார்.
ஜம்ரிக்கு எதிரான புகார் மீது எந்த நடவடிக்கையும் எடுக்கத் தேவையில்லை. (NFA) என அரசு வழக்கறிஞர் வகைப்படுத்தியதே இதற்குக் காரணம் என்று அவர் கூறினார்.
(CBC) பிரிவு 135(3) இன் கீழ், மாஜிஸ்திரேட் ஒரு வழக்கைத் தொடர விரும்பவில்லை என்று அரசு வழக்கறிஞர் நீதிமன்றத்தில் தெரிவிக்கும்போது அந்தப் புகாரை தள்ளுபடி செய்ய வேண்டும் என்று Zaidi கூறினார்.
சஷியை மாஜிஸ்திரேட் விசாரணைக்கு எடுத்துக் கொண்டால் நீதிமன்ற நேரம் வீணடிக்கப்படும் என்றார்.

அதேபோல்,Firdaus புகார் மீதான விசாரணைகள் இன்னும் நடந்து வருவதால், அவர் மீது எந்தப் விசாரணை நடத்த முடியாது. தனிப்பட்ட வழக்கைத் தொடங்குவதற்கு ஒரு புகார்தாரர் அரசு வழக்கறிஞரின் ஒப்புதலைப் பெற வேண்டும். ஆனால் தற்போதைய வழக்கில் யாரும் பாதுகாக்கப்படவில்லை என்றும் Zaidi கூறினார். நீதிபதிகள் Nazlan Ghazali,Zaini Mazlan ஆகியோருடன் இருந்த Zaidi,

"மேல்முறையீட்டுக்கு எந்த தகுதியும் இல்லை, இதனால் தள்ளுபடி செய்யப்படுகிறது" என்று தெரிவித்தார்.

கடந்த ஆண்டு ஷா ஆலமில் உள்ள உயர் நீதிமன்றம் சஷியின் புகார்களை விசாரிக்க வேண்டாம் என்ற மாஜிஸ்திரேட்டின் முடிவிலிருந்து அவரது மேல்முறையீட்டை நிராகரித்ததை அடுத்து இந்த மேல்முறையீடு தொடங்கியது.

சஷி சார்பில் வழக்கறிஞர் எஸ்.ரவிச்சந்திரன்,
துணை அரசு வழக்கறிஞர் Solekah Nortika Ismail அரசு தரப்பில் ஆஜராகி வாதாடினர்.

Firdaus'ஸுக்கு எதிராக வழக்குத் தொடர அரசுத் தரப்பு விரும்பவில்லை என்று Solehah மே மாதம் அமர்வில்
தெரிவித்திருந்தார். Face book மற்றும் You Tube'பில் பதிவுகள் மூலமாக இந்து மதத்தை அவமதித்ததாக Firdaus மீது வழக்குத் தொடர சஷி முயன்றார்.

ஒரு சட்டப்பூர்வ அறிவிப்பில், இரண்டு சமூக ஊடகத் தளங்களில் வீடியோவின் இடுகைகள் தொடர்பாக Firdaus ஸுக்கு எதிராக 2018 ஆம் ஆண்டு ஜனவரியில் போலீஸ் புகார் அளிக்கப்பட்டது. ஒரு தனியான சட்டப்பூர்வ அறிவிப்பில் சஷி ,தனது பேஸ்புக் பதிவுகள் மூலமாக இந்து சடங்குகள் மற்றும் நடைமுறைகளை அவமதித்து தொடர்பாகக்கூறப்படும் குற்றத்திற்காக 2020 ஆம் ஆண்டில் ஜூன் மாதம் ஜம்ரி வினோத்திற்கு எதிராக காவல்துறையிடம் புகார் அளித்ததாகக் கூறினார்.
Firdaus, Zamri vinoth இருவருக்கும் எதிராக அவர் அளித்த புகாரின் நிலை குறித்து காவல்துறையிடம் விசாரித்ததாகவும் ஆனால் எந்த பதிலும் வரவில்லை என்றும்
எஸ்.சஷிக்குமார் தெரிவித்தார்.