BR1M கட்டம் கட்டமாக குறைக்கப்படும்; வேலை வாய்ப்புகள் அதிகரிக்கப்படும்- மகாதீர்

0
199

BR1M கட்டம் கட்டமாக குறைக்கப்படும்; வேலை வாய்ப்புகள் அதிகரிக்கப்படும்- மகாதீர்

கோலாலம்பூர்,ஆகஸ்ட்.25- BR1M எனப்படும் ஒரே மலேசியா உதவித் தொகையை அரசாங்கம் போக போக குறைக்கும் என பிரதமர் துன் மகாதீர் தெரிவித்துள்ளார்.

BR1M முழுமையாக அகற்றப்படுவதற்கு முன்னதாக அந்த உதவித் தொகை வழங்கப்படுவது கட்டம் கட்டமாக குறைக்கப்படும் என ‘தெ மலேசியன் இன்சைட்’ செய்திக்கு வழங்கிய பேட்டியில் அவர் கூறியுள்ளார்.

மக்களுக்கு ஊட்டிக் கொண்டிருந்தால் அவர்கள் மேலும் பலவீனம் ஆவார்களே தவிர அவர்கள் சுயமாக செயல்பட முயற்சிக்க மாட்டார்கள். அதனால், தமது தலைமையிலான அரசாங்கம் பிறர் தயவின்றி சுயக்காலில் வாழும் மக்களை உருவாக்கும் என துன் மகாதீர் குறிப்பிட்டுள்ளார்.

அரசாங்கத்தை எதிர்பார்த்து வாழும்படியான இத்தகை உதவித் தொகைத் திட்டங்களை நிறுத்திவிட்டு அவர்களுக்கு வேலை வாய்ப்புகளை ஏற்படுத்தித் தருவதுதான் நீண்ட கால பலனைக் கொடுக்கும் என அவர் தெளிவுப்படுத்தியுள்ளார்.

முந்தைய தேசிய முன்னணி அரசாங்கம் அறிமுகப்படுத்திய BR1M இனி மலேசிய வாழ்க்கைச் செலவின உதவித் தொகையாக அழைக்கப்படும் என கூறப்பட்டது. எனினும். அது குறித்து எந்த அறிவிப்பையும் அரசாங்கம் செய்யவில்லை என்பது குறிப்பிடத்தக்கது.

Your Comments