Categories
விளையாட்டு

ஆசிய விளையாட்டு: முதல் தங்கப்பதக்கத்தை வென்றது இந்தியா

ஆசிய விளையாட்டு: முதல் தங்கப்பதக்கத்தை வென்றது இந்தியா

  • பஜ்ரங் புனியா
 

இந்தோனீஷியாவில் நடைபெற்று வரும் ஆசிய விளையாட்டு போட்டியில் இந்தியா தனது முதல் தங்கப்பதக்கத்தை வென்றுள்ளது.

ஆண்களுக்கான 65 கிலோ மல்யுத்த பிரிவின் இறுதிப்போட்டியில் ஜப்பான் வீரர் டக்காடானி டாய்ச்சியை இந்திய வீரர் பஜ்ரங் புனியா 11-8 என்ற கணக்கில் வீழ்த்தி இந்தியாவுக்கான முதல் தங்கப்பதக்கத்தை பெற்றுக்கொடுத்தார்.

18வது ஆசிய விளையாட்டு போட்டிகள் நேற்று இந்தோனீஷிய தலைநகர் ஜகார்தாவில் கோலாகலமாக தொடங்கின. அதைத் தொடர்ந்து, முதல் நாளான இன்று (ஞாயிற்றுக்கிழமை) பல்வேறு போட்டிகள் நடைபெற்று வருகின்றன.

10 மீட்டர் கலப்பு துப்பாக்கி சுடுதல் (ஏர் ரைபிள்) பிரிவில் இந்தியாவின் ரவிக்குமார் – அபூர்வி சந்தேலா இணை வெண்கல பதக்கத்தை வென்று இந்தியாவின் பதக்க வேட்டையை துவங்கி இருந்தது.

இந்நிலையில், இந்தியா வலுவானதாக கருதப்படும் மல்யுத்த போட்டியில் பெரும் எதிர்பார்ப்புக்கு இடையில் 65 கிலோ எடைப்பிரிவில் ஹரியாணாவை சேர்ந்த பஜ்ரங் புனியா களமிறங்கினார்.

துப்பாக்கி சுடுதலில் வெண்கல பதக்கம் வென்ற ரவிக்குமார் - அபூர்வி சந்தேலா இணை

முதல்நிலை மற்றும் அதற்கடுத்தடுத்த சுற்றுகளில் முறையே உஸ்பெகிஸ்தான், தஜிகிஸ்தான், மங்கோலியாவை சேர்ந்த வீரர்களை வென்ற பஜ்ரங், இறுதிச் சுற்றில் ஜப்பான் வீரர் டக்காடானி டாய்ச்சியை 11-8 என்ற கணக்கில் வீழ்த்தி தங்கப்பதக்கத்தை தட்டிச்சென்றார்.

24 வயதாகும் பஜ்ரங் கடந்த 2014ஆம் ஆண்டு தென் கொரியாவில் நடைபெற்ற ஆசிய விளையாட்டு போட்டியின் 61 கிலோ மல்யுத்த பிரிவில் வெள்ளிப்பதக்கத்தை வென்றிருந்தார் குறிப்பிடத்தக்கது.

இந்நிலையில், பெரிதும் எதிர்பார்க்கப்பட்ட மற்ற இந்திய மல்யுத்த வீரர்களான சுஷில் குமார், மௌஸம் காத்ரி, சந்தீப் தோமர் ஆகியோர் தங்களது பிரிவில் நடந்த போட்டிகளில் தோல்வியுற்று பதக்க வாய்ப்பை இழந்தனர்.

Categories
விளையாட்டு

பிரான்சுடன் மோதப் போவது யார்? இங்கிலாந்தா? குரோஷியாவா?

பிரான்சுடன் மோதப் போவது யார்? இங்கிலாந்தா? குரோஷியாவா?

மாஸ்கோ, ஜூலை.11- இங்குள்ள செய்ண்ட் பீட்டர்ஸ்பெர்க் நகரில் நடந்த உலகக் கிண்ண கால்பந்துப் போட்டியின் முதலாவது அரையிறுதி ஆட்டத்தில் 1-0 என்ற கோல்கணக்கில் பலம் பொருந்திய பெல்ஜியம் குழு வீழ்த்தி இறுதி ஆட்டத்திற்குத் தகுதி பெற்றது பிரான்ஸ்.

இந்த வெற்றியால் பிரான்ஸ் முழுவதும் ரசிகர்கள் உற்சாகமான கொண்டாட்டங்களில் ஈடுபட்டனர். கடந்த 1998ஆம் ஆண்டு உலகக் கிண்ணத்தை வென்ற நாடான பிரான்ஸ், அதன் பின்னர் 2006 ஆம் ஆண்டில் உலகக் கிண்ண இறுதி ஆட்டத்திற்குத் தேர்வு பெற்று, இத்தாலிக்கு எதிரான அந்த ஆட்டத்தில் தோல்வி கண்டது என்பது குறிப்பிடத்தக்கது.

மீண்டும் 12 ஆண்டுகளுக்குப் பின்னர் இளைய ஆட்டக்காரகளைக் கொண்ட பிரான்ஸ் அணி, இருதிப் போட்டிக்கு தேர்வு பெற்றுள்ளது. பெல்ஜியத்திற்கு எதிரான ஆட்டத்தில் பெரும்பாலான நேரம் பிரான்ஸ் ஆட்டக்காரர்கள் தற்காப்பிலேயே கவனம் செலுத்தினர்.

முற்பகுதி ஆட்டத்தில் இரண்டு குழுக்களுமே சமநிலையில் இருந்தன. பிற்பகுதி ஆட்டம் தொடங்கிய பின்னர் பெல்ஜியம் நெருக்குதலைக் கடுமையாக்கியது. எனினும், அதிர்ஷ்டக் காற்று பிரான்சின் பக்கமே வீசியது. ஆட்டத்தின் 55 ஆவது நிமிடத்தில் பிரான்சின் தற்காப்பு ஆட்டக்காரர்  சாம்வெல் உம்டிடி ஒரு கோலை அடித்து பெரும் பரபரப்பை ஏற்படுத்தினார்.

ஆட்டத்தைச் சமமாக்க பெல்ஜியம் மேற்கொண்ட பகீரத முயற்சிகள் அனைத்தையும் கடைசி வரையில் பிரான்ஸ் முறியடித்து வெற்றியைத் தக்கவைத்துக் கொண்டது. அடுத்து இன்று பின்னிரவு 2 மணியளவில் இங்கிலாந்துக்கும் குரோஷியாவுக்கும் இடையே நடக்கவிருக்கும் மற்றொரு அரையிறுதி ஆட்டத்தில் வெற்றி பெறும் குழுவுடன் பிரான்ஸ் இறுதி ஆட்டத்தில் மோதவிருக்கிறது.

Categories
Featured விளையாட்டு

2018 உலகக் கோப்பை: இறுதிப் போட்டிக்கு செல்லும் அணி எது?

2018 உலகக் கோப்பை: இறுதிப் போட்டிக்கு செல்லும் அணி எது?

  • 10 ஜூலை 2018
பெல்ஜியம்படத்தின் காப்புரிமைKEVIN C. COX/GETTY IMAGES

இதில் வெற்றிபெறும் அணி, புதன்கிழமை நடைபெறும் இங்கிலாந்து, குரோஷிய அணிகளுக்கு இடையிலான போட்டியில் வெற்றிபெறும் அணியோடு இறுதி ஆட்டத்தில் மோதும்.

அடுத்த ஞாயிற்றுக்கிமை நடைபெறும் உலகக் கோப்பை கால்பந்து இறுதிப் போட்டிக்கு கொண்டு செல்கின்ற வரலாற்று முக்கியத்துவம் மிக்க போட்டியாக இருக்கும் என்ற நம்பிக்கையோடு நாளை புதன்கிழமை நடைபெறும் போட்டியை காண கடைசி நேரத்தில் இங்கிலாந்து கால்பந்து ரசிகர்கள் ரஷ்யாவுக்கு விரைந்து கொண்டிருக்கின்றனர்.

புதன்கிழமை நடைபெறும் அரையிறுதி போட்டியில் வென்று உலகக் கோப்பை கால்பந்து இறுதியாட்டத்தில் முதல்முறையாக நுழைந்துவிட வேண்டும் என்று குரோஷியா நம்பிக்கையோடு உள்ளது.

பிரான்ஸ் கால்பந்து அணியினர்.படத்தின் காப்புரிமைPAUL GILHAM/GETTY IMAGES

இங்கிலாந்து அணியினரோ இறுதிப்போட்டியில் நுழைவதற்கு 52 ஆண்டுகள் காத்திருந்து வருவதை முடிவுக்கு கொண்டுவர வேண்டும் என்ற நம்பிக்கையோடு இந்த அரையிறுதியில் விளையாடவுள்ளனர்.

புதன்கிழமை நடைபெறும் அரையிறுதி ஆட்டம் இங்கிலாந்து குரோஷியா அணிகளுக்கு இடையே நடைபெறும் 8வது ஆட்டமாக இருக்கும்.

இதற்கு முன்னால் போட்டியிட்டுள்ள 7 ஆட்டங்களில் இங்கிலாந்து 4 முறையும், குரோஷியா 2 முறையும் வெற்றி பெற்றுள்ளன. ஒரு போட்டி வெற்றி தோல்வியின்றி சம நிலையில் முடிவடைந்தது.

Categories
உலகம் விளையாட்டு

மெஸ்ஸி, ரொனால்டோவுக்கு ஏமாற்றம்; வைரலான நெய்மர், நாக்அவுட்டில் நடந்தது என்ன?

மெஸ்ஸி, ரொனால்டோவுக்கு ஏமாற்றம்; வைரலான நெய்மர், நாக்அவுட்டில் நடந்தது என்ன?

நான்கு வருடங்களுக்கு ஒரு முறை நடக்கும் கால்பந்து உலகக் கோப்பை திருவிழாவில் இம்முறை முக்கியமான அணிகள் அதிர்ச்சித் தோல்வியடைந்துள்ளன.

முடிவுக்கு வந்துவிட்டதா மெஸ்ஸி மற்றும் ரொனால்டோவின் சகாப்தம்?

இன்னும் ஏழு போட்டிகளில் 2018 உலககோப்பை கால்பந்துக்கான மகுடம் யாருக்கு என்பது தெரிந்துவிடும்.

தற்போது உலககோப்பையை வெல்வதற்கான ஓட்டத்தில் எட்டு அணிகள் மட்டுமே இருக்கின்றன. இவ்வார இறுதியில் எட்டு அணிகளில் இருந்து அடுத்தசுற்றுக்கு முன்னேறப்போகும் நான்கு அணிகள் எவை என்பதும் தெரிந்துவிடும்.

உருகுவே, பிரேசில், பெல்ஜியம், ரஷ்யா, குரோஷியா, சுவீடன், இங்கிலாந்து, பிரான்ஸ் ஆகிய இந்த எட்டு அணிகள்தான் இவ்வாரத்தின் வெள்ளிக்கிழமை மற்றும் சனிக்கிழமைகளில் மல்லுக்கட்டவுள்ளன.

கடைசி 16 சுற்றில் நடந்தது என்ன?

உலகில் அதிக ரசிகர் பட்டாளங்களை வைத்திருக்கும் லயோனல் மெஸ்ஸி, கிறிஸ்டியானோ ரொனால்டோவின் அணிகள் இம்முறை காலிறுதி சுற்றுக்குக்கூடத் தகுதிபெறவில்லை.

கடந்த வாரம் சனிக்கிழமை இரவு கால்பந்து ரசிகர்களுக்கு பெருந்தீனியும் அதிர்ச்சியும் ஒருசேரக் கிடைத்தது. அர்ஜென்டினா மற்றும் போர்ச்சுகல் அணிகள் அடுத்தடுத்து வெளியேறின.

ஃபிரான்ஸ் அர்ஜென்டினா இடையே நடந்த போட்டியில் முதல் பாதியில் இரு அணிகளும் தலா ஒரு கோல் அடித்திருந்தன. ஆட்டத்தின் 48-வது நிமிடத்தில் மெஸ்ஸியின் உதவியோடு அர்ஜென்டினா வீரர் கேப்ரியல் மெர்காடோ கோல் அடித்தார். இதற்கு பதிலடியாக 57-வது நிமிடத்தில் கோல் அடித்தது ஃபிரான்ஸ்.

அர்ஜென்டினாவின் கேப்டன் மெஸ்ஸி மீது அதிக கவனம் இருந்த இந்த ஆட்டம், கிலியனை என்றுமே நினைவில் வைத்திருக்கும் ஆட்டமாக அமைந்துவிட்டது.
அர்ஜென்டினாவின் கேப்டன் மெஸ்ஸி மீது அதிக கவனம் இருந்த இந்த ஆட்டம், கிலியனை என்றுமே நினைவில் வைத்திருக்கும் ஆட்டமாக அமைந்துவிட்டது.

ஆட்டத்தின் 64 மற்றும் 68-வது நிமிடங்களில் ஃபிரான்ஸ் வீரர் கிலியன் ம்பாப் அடுத்தடுத்து கோல் அடித்தார். கிட்டத்தட்ட 11 நிமிட இடைவெளியில் மூன்று கோல்களை போட்டது ஃபிரான்ஸ். 90 நிமிடங்கள் முடிவில் அர்ஜென்டினா 2-4 என பின்தங்கியிருந்தது. ஸ்டாப்பேஜ் டைம் நிர்ணயிக்கப்பட்ட 90 நிமிட நேரத்தில் பல்வேறு காரணங்களால் அவ்வப்போது தடைபட்ட நேரத்தை கணக்கிட்டு ஆட்டத்தின் முடிவில் நடுவரால் கூடுதல் நேரம் வழங்கப்படும்) ஐந்து நிமிடமாக நிர்ணயிக்கப்பட்டது. அர்ஜென்டினா அதில் ஒரு கோல் அடித்தது எனினும் ஆட்டத்தின் 95-வது நிமிடத்தின் முடிவில் அதிகாரபூர்வமாக மெஸ்ஸி அணி உலககோப்பையில் இருந்து வெளியேற்றப்பட்டது.

உருகுவே போர்ச்சுகல் இடையிலான ஆட்டத்தில் 67-வது நிமிடத்தில் எடின்சன் கவானி அடித்த கோல் உருகுவேயின் வெற்றிக்கு வித்திட்டது. 2-1 என்ற கணக்கில் உருகுவே வெற்றி பெற, தொடர்ந்து நான்காவது முறையாக உலககோப்பையின் நாக் அவுட் சுற்றில் தோல்விகண்டது போர்ச்சுகல் அணி. ரொனால்டோ ரசிகர்கள் பெரும் ஏமாற்றமடைந்தனர்.

பிரேசில் மற்றும் மெக்சிகோவுக்கு இடையிலான ஆட்டத்தில் நெய்மர் மற்றும் ராபெர்ட்டோ ஃபிர்மினோவின் கோல்கள் பிரேசிலை காலிறுதிக்கு முன்னேற்றின. இப்போட்டியில் நெய்மர் களத்தில் வலியால் துடித்தவிதம் சமூகவலைதள உலகில் கேலியை உண்டாக்கியது.

பெல்ஜியம் ஜப்பான் இடையிலான போட்டியில் ஜப்பான் அணி 48 மற்றும் 52-வது நிமிடங்களில் கோல் அடிக்க பெல்ஜியம் 0-2 என பின்தங்கியது. 69 மற்றும் 74-வது நிமிடங்களில் பெல்ஜியம் அடுத்தடுத்து கோல் அடித்து சமன்செய்தது. ஸ்டாப்பேஜ் நேரத்தில் பெல்ஜியம் ஒரு கோல் அடிக்க ஜப்பானின் உலக கோப்பை கனவு கலைந்தது.

1966-க்கு பிறகு உலககோப்பை கால்பந்தின் நாக்அவுட் சுற்றில் 90 நிமிடத்துக்குள் இரண்டு கோல்கள் பின்னடைவு பெற்றபின்னர் ஒரு அணி மீண்டுவந்து வென்றது இதுவே முதல்முறை.

மெஸ்ஸி

இப்போட்டியில் ஜப்பானின் இரண்டு கோல்களுக்கு இடையேயான இடைவெளி 4.16 நிமிடங்கள் மட்டுமே. பெல்ஜியத்தின் முதல் இரண்டு கோல்களுக்கு இடையேயான இடைவெளி 4.30 நிமிடங்கள்.

ஸ்பெயின் ரஷ்யா இடையிலான ஆட்டத்தில் பெனால்டி ஷூட் அவுட்டில் ரஷ்யா 4-3 கோல்கள் என வென்றது.ஸ்பெயினுக்கு மிகப்பெரிய அதிர்ச்சியைத் தந்து 48 வருடங்களில் முதன்முறையாக ரஷ்யா காலிறுதியில் நுழைந்துள்ளது. ஸ்பெயின் அணி உலகக் கோப்பையில் இதுவரை நான்கு முறை பெனால்டிசூட் அவுட்டில் விளையாடி மூன்றில் தோல்வி கண்டுள்ளது.

சோவியத் யூனியன் உடைந்தபிறகு ரஷ்யா உலகக்கோப்பை காலிறுதிக்கு முன்னேறுவது இதுவே முதல்முறை.

குரோஷியா டென்மார்க் இடையிலான போட்டியும் நிர்ணயிக்கப்பட்ட ஆட்ட நேரத்தில் 1-1 என சமநிலையில் முடிந்ததால் பெனால்டி ஷூட் அவுட்டுக்கு நீண்டது. இதில் குரோஷியா 3-2 என வென்றது.

சுவீடன் மற்றும் சுவிட்சர்லாந்துக்கு இடையேயான போட்டியில் சுவீடன் வீரர் ஃபோர்ஸ்பெர்க் மட்டுமே கோல் அடித்த்தார்.

கிறிஸ்டியானோ ரொனால்டோ

இங்கிலாந்து கொலம்பியா இடையிலான ஆட்டத்தில் இங்கிலாந்து 1-0 என முன்னிலை வகித்தது. ஆனால் ஸ்டாப்பேஜ் நேரத்தில் கொலம்பியா அடித்த கோலால் இங்கிலாந்து ரசிகர்கள் அதிர்ச்சி அடைந்தனர். பெனால்டி ஷூட் அவுட்டில் இங்கிலாந்து 4-3 என வென்று காலிறுதியில் நுழைந்தது.

இதுவரை பெரிய அளவிலான கால்பந்து தொடர்களில் பெனால்டி ஷூட் அவுட் முறையில் இங்கிலாந்து வெல்வது இதுவே இரண்டாவது முறை. 2006க்கு பிறகு இங்கிலாந்து காலிறுதி தகுதி பெறுவது இதுவே முதல் முறை. இங்கிலாந்தில் கடைசி 15 நாக் அவுட் போட்டிகளில் எட்டு போட்டிகள் கூடுதல் நேரத்துக்கு நீண்டது குறிப்பிடத்தக்கது.

உலகக்கோப்பை 2018 கால்பந்தில் இரண்டாவது பாதியில் குறிப்பாக கூடுதல் நேரத்தில் கோல்கள் அடிப்பது அதிகரித்து வருகிறது.

கால்பந்து உலக கோப்பை: கொலம்பியாவை வீழ்த்தி காலிறுதியில் இங்கிலாந்து

காலியிறுதியில் யார் யாரோடு மோதுகிறார்கள்?

உருகுவே அணி ஃபிரான்ஸை சந்திக்கிறது. பிரேசில் பெல்ஜியம் அணியை சந்திக்கவுள்ளது. இவ்விரு போட்டிகளில் வெல்லும் அணிகள் முதல் அரை இறுதி போட்டியில் மோதும்.

ரஷ்யா அணி குரோஷியாவையும், சுவீடன் இங்கிலாந்தையும் எதிர்கொள்ளவிருக்கிறது. இவ்விரு போட்டிகளில் வெல்லும் அணிகள் இரண்டாவது அரை இறுதியில் மோதும்.

உலக கோப்பை இறுதிப்போட்டி ஜூலை 15-ல் மாஸ்கோ நகரத்தில் நடக்கவுள்ளது.

Categories
விளையாட்டு

கால்பந்து உலக கோப்பை: காலிறுதியில் நுழைந்தது இங்கிலாந்து

கால்பந்து உலக கோப்பை: காலிறுதியில் நுழைந்தது இங்கிலாந்து

  • கால்பந்து உலக கோப்பை: கொலம்பியாவை வீழ்த்தி காலிறுதியில் இங்கிலாந்து
ரஷ்யாவின் தலைநகர் மாஸ்கோவில் நடைபெற்ற கொம்பியாவுக்கு எதிரான கால்பந்து போட்டியில் பெனால்டி முறையில் அதிக கோல் அடித்து இங்கிலாந்து வெற்றி பெற்றுள்ளது.

இந்த வெற்றியின் மூலம் சமாராவில் சனிக்கிழமை நடைபெறும் காலிறுதி ஆட்டத்தில் ஸ்வீடனோடு இங்கிலாந்து அணி விளையாடவுள்ளது.

ஸ்பார்டக் விளையாட்டு அரங்கில் நடைபெற்ற விறுவிறுப்பான போட்டியில், முதலில் தனக்கு கிடைத்த பெனால்டி வாய்ப்பை பயன்படுத்தி இங்கிலாந்து கோல் போட்டு கணக்கை தொடங்கியது.

பின்னர், கொலம்பியா ஒரு கோல் அடித்து ஆட்டத்தை சமன் செய்த நிலையில், பெனால்டி முறைப்படி அதிக கோல் அடித்த இங்கிலாந்து வெற்றிபெற்றது.

கொலம்பிய கால்பந்து வீரர் கார்லோஸ் பாக்கா அடித்த பெனால்டியை இங்கிலாந்தின் கோல் கீப்பர் ஜோர்தான் பிக்ஃபோர்டு சிறப்பாக தடுத்தார், அதனை தொடர்ந்து எரிக் டையர் வெற்றியை உறுதி செய்த கோலை அடித்தார்.

2018 கால்பந்து உலக கோப்பை: கொலம்பியாவை வீழ்த்தி காலிறுதியில் இங்கிலாந்து

தோல்வியடைதால் வெளியேறுகின்ற முக்கிய ஆட்டத்தில் 2006ம் ஆண்டுக்கு பிறகு, முதல்முறையாக இங்கிலாந்து வெற்றிபெற்றுள்ளது.

ஹாரி கேனே மீதான ஃபவுலால் இங்கிலாந்து கிடைத்த பெனால்டி வாய்ப்பு கோலாக மாறியது.

ஆனால், ஆட்டம் முடியும் நேரத்தில் கொலம்பியாவின் எர்ரி மினா என்கிற கால்பந்து வீரர் அடித்த கோலால் ஆட்டம் சமநிலையில் முடிவுற்றது.

ஆட்டத்தில் முடிவில் இங்கிலாந்தும், கொலம்பியாவும் 1-1 என்று சமநிலையில் இருந்ததால், பெனால்டி முறைப்படி இங்கிலாந்து அதிக கோல் அடித்து வெற்றியை உறுதி செய்தது.

முன்னதாக சுவிட்சர்லாந்துக்கும், ஸ்வீடனுக்கு இடையே நடைபெற்ற போட்டியில், ஸ்வீடன் ஒரு கோல் அடித்து வெற்றி பெற்றது. வரும் சனிக்கிழமை இங்கிலாந்துடன் ஸ்வீடன் மோதவுள்ளது.

Categories
மாநிலம் விளையாட்டு

காமன்வெல்த் உச்சநிலை மாநாட்டில் சபாநாயகர் டான்ஸ்ரீ விக்னேஸ்வரன்….

காமன்வெல்த் உச்சநிலை மாநாட்டில் சபாநாயகர் டான்ஸ்ரீ விக்னேஸ்வரன்

லண்டன், – இங்கிலாந்தில் நடைபெறும் 25ஆவது காமன்வெல்த் உச்சநிலை மாநாட்டில் கலந்து கொள்ள நேற்று லண்டன் சென்றடைந்தார் நாடாளுமன்ற மேலவைத் தலைவர் டான்ஸ்ரீ எஸ்.ஏ.விக்னேஸ்வரன்.

மலேசியப் பேராளர்கள் குழுவுக்கு தலைமையேற்றுள்ள டான்ஸ்ரீ விக்னேஸ்வரன், பிரதமர் டத்தோஸ்ரீ நஜிப் துன் ரசாக்கைப் பிரதிநிதித்து சென்றுள்ளார்.

அந்த மாநாட்டின்போது அங்கு வருகை புரியும் உலகத் தலைவர்களுடன் மரியாதை நிமித்தமாக சந்தித்து பேச்சுகள் நடத்துவார். லண்டன் சென்ற டான்ஸ்ரீ விக்னேஸ்வரனை மலேசியத் தூதர் டத்தோ ரஷிடி ஹஸிஸி வரவேற்றார்.

Categories
விளையாட்டு

U19 உலகக்கோப்பை கிரிக்கெட்: 100 ரன்கள் வித்தியாசத்தில் ஆஸ்திரேலியாவை வீழ்த்தியது இந்தியா

U19 உலகக்கோப்பை கிரிக்கெட்: 100 ரன்கள் வித்தியாசத்தில் ஆஸ்திரேலியாவை வீழ்த்தியது இந்தியா

Categories
விளையாட்டு

ஐ.எஸ்.எல். கால்பந்து: கோவா அணியை வீழ்த்தியது நார்த்ஈஸ்ட் யூனைடெட் எப்.சி.

ஐ.எஸ்.எல். கால்பந்து: கோவா அணியை வீழ்த்தியது நார்த்ஈஸ்ட் யூனைடெட் எப்.சி.

Categories
Featured விளையாட்டு

கத்தார் ஓபன் டென்னிஸ்: பிரான்சின் கெய்ல் மோன்பில்ஸ் சாம்பியன்

கத்தார் ஓபன் டென்னிஸ்: பிரான்சின் கெய்ல் மோன்பில்ஸ் சாம்பியன்

Categories
விளையாட்டு

காயம் அச்சுறுத்தல்: மெல்போர்ன் ‘பாக்சிங் டே’ டெஸ்டில் ஸ்டார்க் விளையாடுவாரா?

காயம் அச்சுறுத்தல்: மெல்போர்ன் ‘பாக்சிங் டே’ டெஸ்டில் ஸ்டார்க் விளையாடுவாரா?

GK Raagesh Muniandy