Categories
Featured Selangor அரசியல் நாடாளுமன்றம் மாநிலம்

பக்காத்தான் ஹராப்பான் தலைவர்கள் தொடர்ந்து ‘ பொய்’ மட்டுமே கூறி வருகின்றனர்…. நஜிப் துன் ரசாக்


குடியுரிமை இல்லாத இந்தியர்கள் விவகாரத்தில் பக்காத்தான் ஹராப்பான் தலைவர்கள் தொடர்ந்து ‘ பொய்’ மட்டுமே கூறி வருகின்றனர் என்று முன்னாள் பிரதமர் டத்தோஸ்ரீ குற்றஞ்சாட்டினார்.இந்நாட்டில் குடியுரிமை இல்லாத இந்தியர்களின் எண்ணிக்கை 3 லட்சம் என பக்காத்தான் ஹராப்பான் தலைவர்கள் குற்றஞ்சாட்டி வந்தனர்.ஆனால், தற்போது குடியுரிமை இல்லாழ இந்தியர்கள் 3.853 மட்டுமே என கூறியுள்ள உள்துறை அமைச்சர் அஸிஸ் ஜமான், இதுவரை பெறப்பட்ட விண்ணப்பங்களின் அடிப்படையில் இந்த எண்ணிக்கை தெரிவிக்கப்பட்டுள்ளது என குறிப்பிட்டார்.இது குறித்து கருத்துரைத்துள்ள டத்தோஸ்ரீ நஜிப், இந்தியர்களின் குடியுரிமை விவகாரத்தில் பக்காத்தான் ஹராப்பான் தலைவர்கள் ‘பொய்யையே’ கூறி வந்துள்ளனர் என்பதற்கு இதுவே சான்றாகும்.குடியுரிமை அல்லாத இந்தியர்களின் எண்ணிக்கை லட்சக்கணக்கில் உள்ளது என அப்போதைய எதிர்க்கட்சியினர் குறை கூறிய போதிலும், அதை மறுத்த தேசிய முன்னணி அரசாங்கம் குடியுரிமை அல்லாத இந்தியர்களின் பிரச்சினைக்கு தீர்வு காண ஆக்ககரமான திட்டங்களை முன்னெடுத்தது என டத்தோஸ்ரீ நஜிப் சொன்னார்
Categories
Featured Selangor அரசியல்

“பிகேஆர் கட்சியை இந்தியர் கட்சியாக பெயர் மாற்றிக் கொள்ளுங்கள்” …டான்ஸ்ரீ எஸ்.ஏ.விக்னேஸ்வரன் பதிலடி

“பிகேஆர் கட்சியை இந்தியர் கட்சியாக பெயர் மாற்றிக் கொள்ளுங்கள்” …டான்ஸ்ரீ எஸ்.ஏ.விக்னேஸ்வரன் பதிலடி

கோலாலம்பூர் – மஇகாவை விட அதிகமான உறுப்பினர்களை தனது பிகேஆர் கட்சி கொண்டுள்ளது என டத்தோஸ்ரீ அன்வார் இப்ராகிம் அண்மையில் கூறியிருந்ததற்கு மஇகா தேசியத் தலைவர் டான்ஸ்ரீ எஸ்.ஏ.விக்னேஸ்வரன் பதிலடி கொடுத்திருக்கிறார்.

“அப்படியானால், அதிகமான இந்தியர்களை உறுப்பினர்களாகக் கொண்ட கட்சி என்ற முறையில், அதைப் பிரதிபலிக்கும் வகையில் பிகேஆர் கட்சியின் பெயரை இந்தியர் கட்சியாக மாற்றிக் கொள்ளுங்கள்” என விக்னேஸ்வரன் கூறியுள்ளார்.

“அன்வார் கூறுவது உண்மைதான். பிகேஆர் கட்சியில் அதிகமான இந்தியர்கள் இருக்கிறார்கள். நானும் அது குறித்துக் கேள்விப்பட்டிருக்கிறேன். எனவே கட்சியின் பெயரையும் இந்தியர் கட்சியாக மாற்றிக் கொள்ள அவருக்கு ஆலோசனை கூறுகிறேன்” என விக்னேஸ்வரன் பதிலடி கொடுத்தார்.

“அதிகமான இந்தியர்கள் உறுப்பினர்களாக இருப்பதால், கட்சியின் துணைத் தலைவர் பதவியை இந்தியர் ஒருவருக்கு அன்வார் வழங்க வேண்டும்” என்றும் விக்னேஸ்வரன் கிண்டலாகக் கூறியிருக்கிறார்.

கடந்த புதன்கிழமை (ஆகஸ்ட் 22) பெட்டாலிங் ஜெயாவிலுள்ள பிகேஆர் கட்சித் தலைமை அலுவலகத்தின் அந்தக் கட்சியின் இந்தியத் தலைவர்களோடு சந்திப்புக் கூட்டம் ஒன்றை நடத்திய பின்னர் பேசிய அன்வார் அதிகாரபூர்வமாக மஇகாவை விட பிகேஆர் கட்சியின் அதிகமான இந்தியர்கள் உறுப்பினர்களாக இருக்கிறார்கள் எனக் கூறியதாக ஊடகங்கள் தெரிவித்திருந்தன.

Categories
Kelantan பொது செய்திகள்

முஸ்லிம் பெண்ணை திருமணம் செய்த இந்து இளைஞர் கொலை

முஸ்லிம் பெண்ணை திருமணம் செய்த இந்து இளைஞர் கொலை

காதல் திருமணம், கொலை, கைது,

பரிதாபாத்: முஸ்லிம் பெண்ணை காதலித்து திருமணம் செய்து கொண்ட இந்து வாலிபர் கொலை செய்யப்பட்டார். இது தொடர்பாக பெண்ணின் குடும்பத்தினரை போலீசார் கைது செய்தனர்.
விவாகரத்து

அரியானா மாநிலம் பரிதாபாத் மாவட்டம் நேரு காலனியை சேர்ந்தவர் சஞ்சய் குமார்(22). இவரது வீடருகே வசித்து வந்த ருக்சார் என்ற முஸ்லிம் பெண் மீது அவருக்கு காதல் ஏற்பட்டது. இருவரும் வீட்டை விட்டு வெளியேறி, ராஜஸ்தான் சென்று பதிவுத்திருமணம் செய்து கொண்டனர். ருக்சார் தனது பெயரை ருக்மணி என மாற்றி கொண்டு, இந்து மத பழக்க வழக்கங்களை கடைபிடித்து வந்தார்.

அவர், கர்ப்பமானதை தொடர்ந்து , இருவரும் எட்டு மாதங்களுக்கு பிறகு சொந்த ஊர் திரும்பினர். இதனையறிந்த பெண்ணின் குடும்பத்தினர் சஞ்சயை முஸ்லிமாக மதம் மாற வலியுறுத்தினர். ஆனால், அவரது குடும்பத்தினர் இதற்கு அனுமதிக்கவில்லை. இதனையடுத்து சஞ்சய் மனைவியை அழைத்து கொண்டு வேறு பகுதியில் குடியேறினார். இந்த பிரச்னைகள் காரணமாக இரண்டு குடும்பத்தினர் இடையே மோதல் ஏற்பட்டது. சஞ்சயிடமிருந்து வலுக்கட்டாயமாக ருக்சாரை, குடும்பத்தினர் விவகாரத்து செய்து வைத்தனர். காதல் மனைவியை மறக்க முடியாமல், சஞ்சய் மீண்டும் ராஜஸ்தான் சென்று விட்டார்.

கைது

இந்நிலையில், கடந்த 15ம் தேதி ருக்சரின் சகோதரர் சலீம், சஞ்சயை தொலைபேசியில் தொடர்பு கொண்டு, நேரில் சந்தித்து பேச வேண்டும், பிரச்னையை தீர்க்க வேண்டும் எனக்கூறி, அழைத்துள்ளார். இதனை நம்பி, மறுநாள் சொந்த ஊர் வந்த சஞ்சயை, சலீம் அழைத்து சென்றார். நீண்ட நேரமாகியும் சஞ்சய் வீடு திரும்பாததால், அவரின் தாயார் போலீசில் புகார் அளித்தார்.
அவர்கள் வழக்குப்பதிவு விசாரணை நடத்தி வந்தநிலையில், கடந்த 21ம் தேதி சஞ்சயின் உடலை கைப்பற்றினர். இது தொடர்பாக ருக்சரின் தந்தை, சகோதரரை போலீசார் கைது செய்தனர்.

Categories
Featured Selangor

மூத்த பத்திரிகையாளர் எம்.துரைராஜ் காலமானார்

மூத்த பத்திரிகையாளர் எம்.துரைராஜ் காலமானார்

கோலாலம்பூர்-
மலேசியத் தமிழ் பத்தரிகை உலகில் ‘பிதாமகன்’ என்று அழைக்கப்படும் மூத்த பத்திரிகையாளர் எம்.துரைராஜ் அவர்கள் இன்று காலை காலமானார்.

தமிழ்ப் பத்திரிகை உலகம் நீண்ட அனுபவத்தையும் பல பத்திரகையாளர்களின் முன்னோடியாகவும் ‘உதயம், இதயம்’ மாத இதழ்களின் ஆசிரியராகவும் திகழ்ந்த எம்.துரைராஜ் அவர்களின் மறைவு தமிழ் பத்திரிகை துறையில் பெரும் வெற்றிடத்தை ஏற்படுத்தியுள்ளது.

அன்னாரின் நல்லடக்கச் சடங்கு வரும் 26ஆம் தேதி ஞாயிற்றுக்கிழமை 25 Jalan Udang Gantung Satu Taman Cuepacs Segambut 52000 Kuala Lumpur எனும் முகவரியில் நடைபெறவுள்ளது.

அன்னாரின் மறைவால் துயருற்றிருக்கும் அவர்தம் குடும்பத்தினருக்கு

மை வெளிச்சம் ஆழ்ந்த இரங்கலை தெரிவித்துக் கொள்கிறது.
Categories
Featured Penang அரசியல் மாநிலம்

வர்த்தக வாய்ப்புகள் என்ற இனவாத நிலைபாட்டில் அதிரடி மாற்றம் வேண்டும்….முவீ.மதியழகன்

   ஒருவருக்கே வர்த்தக வாய்ப்புகள் என்ற இனவாத நிலைபாட்டில் அதிரடி மாற்றம் வேண்டும்…..முவீ.மதியழகன்  

 

இன்று நம் நாட்டில் இயங்கும் அரசாங்க பொது மருத்துவ மனைகளில்

மலேசிய இந்தியர்களுக்கென தனியார் கடைகள் – சிற்றுண்டிசாலைகள் அமைத்திட புதிய அரசாங்கம் வாய்ப்புகளை வழங்கிட வேண்டும், வழக்கமான அரசாங்க பொது மருத்துவமனைகளின் நிலைபாடுகள், இன்றும் முழுக்க முழுக்க தனியார் மருத்துவமனைச் சாரலில் இருப்பதையே காணமுடிகிறது, அதனைவிட,

ஒரே இனத்தவருக்காக, ஒரே நிருவனத்திற்காக , ஒரே முதலாளிக்கே விற்பனை வாய்ப்புகள் என்ற கடந்தக்கால கசப்புத்தன்மையை புதிய அரசாங்கம் அதிரடியாய் மாற்றியமைத்தாக வேண்டும், அதனை மாற்றியமைத்திட இன்றய அரசாங்கம் தமது புதிய கொள்கைகளை அறிமுகம் செய்தாக வேண்டும்.

இனி நாம் அனைவருமே மலேசியர்கள் என்றான தாரக மந்திரங்கள் வெறும் அலங்காரச் சொல்லாக இருந்திடாது, அச்சொல்லில் உட்தன்மை வெற்றிபெற்றிட, நாட்டிற்காக இருநூராண்டு காலம் தன்னை தியாகித்த மலேசிய இந்தியர்கள், இன்றும் நாட்டின் புதிய அரசாங்கம் அமைத்திட போராடியதும், வெற்றிபெற்ற வைத்ததும் இந்தியர் இளைஞர்களே, நாட்டின் முன்னேற்றத்திலும் அரசியல் களம்காணும் கால நீரோட்டத்திலும் மலேசிய இந்தியர்கள் விடுபட்டு போகாது.

அவர்களுக்கான அடிப்படை உரிமைகள் சலுகைககள் அதனுடனான வியாபார தொழில் நுட்பம் அதன்வழி புதிய வர்த்தகர்களை உருவாக்கிட வழிவிட வேண்டும். பிற இனத்தவர்களில் இன்றும் மிக அதிமாக நாட்டின் அரசாங்க பொது மருத்துவமனைகளை நம்பியே இந்தியர்கள் உள்ளனர், மருத்துவமும் பெருகின்றனர், இதன்படி நாள் முழுக்க மருத்துவமனையே கதியென பசியும் பட்டினியுமாக காத்திருக்கும் வெளி நோயாளிகளின், உணவுவகை, காலை சிற்றுண்டி, குடிநீர்வகைகள், மற்றவகை பொருட்கள் இப்படி அத்தியாவசிய தேவைகளுக்கு இந்தியர்களின் கடைகளும், இந்திய உணவுவகைகளும் அவசியம்.

என்பதை இன்றய பக்காத்தான் அரசாங்கம் நடைமுறை படுத்துமா? அல்லது ஒரே இனத்தவர் மட்டுமே வானிபத்துறையில் வெற்றிபெற வைக்குக்கும் இருபதாண்டுகால நடைமுறையை நிலைபடுத்துமா? இங்கே நமக்கு இந்நாட்டில் அதிரடியான மாற்றங்கள் வேண்டும் பிறயினத்தவருக்கு ஈடாக இணையாக மலேசிய இந்தியர்ககளுக்கும் அருகாமையிலே கடைகள் வேண்டும், சிற்றுண்டியகம்  வேண்டும் என்பதை உறுதிபடுத்திட வேண்டும்,

100-நாள் 10- சலுகைகள் என்றும் 10-நாள் 100-சலுகைககள் என்றதைக் காட்டி அடிப்படை உரிமைகளில் கைவைத்திட வேண்டாம், அதே நேரத்தில் இந்தியர்க்கான அடிப்படை உரிமைகளை தரமறுத்து காலத்தை காட்டி, சூழ்நிலையைக் காடௌடி, கடன்களை காட்டி , ஊழலை காட்டி , முன்னால் அரசாங்கத்தைக் காட்டி மலேசிய இந்தியர்களின் உரிமையை மூடிமறைத்திட வேண்டாம்.

 

 

Categories
Perak சட்டமன்றம் மாநிலம்

பேரா; நாடாளுமன்றத் தொகுதியில் அன்வார் போட்டியா?

பேரா; நாடாளுமன்றத் தொகுதியில் அன்வார் போட்டியா?

பெட்டாலிங் ஜெயா, பி.கே.ஆர் கட்சித் தலைவராகத் தேர்ந்தெடுக்கப்பட்டிருக்கும் டத்தோஸ்ரீ அன்வார் இப்ராஹிம் மீண்டும் மக்களவையில் நுழைவதற்காக, பேரா மாநிலத்திலுள்ள ஒரு நாடாளுமன்றத் தொகுதியைக் குறிவைத்திருப்பதாக தகவல் ஒன்று தெரிவிக்கிறது.
நடந்து முடிந்த பொதுத்தேர்தலில் பாரிசான் நேஷனல் சின்னத்தில் போட்டியிட்டு, தற்போது தம்மை சுயேட்சை எம்.பி-யாகப் பிரகடனப்படுத்திக்கொண்ட ஒருவரது தொகுதியில் அன்வார் போட்டியிடக்கூடும் சாத்தியமிருக்கிறது என்று அத்தகவல் மேலும் கூறியது.
சம்பந்தப்பட்ட அந்த எம்.பி அண்மையில் டத்தோஸ்ரீ அன்வாரைச் சந்தித்து தமது விருப்பத்தைத் தெரிவித்திருப்பதாகத் தெரிய வருகிறது.
பாரிசான் நேஷனல் சார்பில் போட்டியிட்டு வென்ற  பாகான் செராய் எம்.பி டத்தோ டாக்டர் நோர் அஸ்மி கசாலி அஸ்மி, புக்கிட் கந்தாங் எம்.பி டத்தோ சைட் அபு ஹூசேன் ஆகிய இருவரும் தங்களை சுயேட்சை எம்.பி-களாகப் பிரகடனப்படுத்திக்கொண்டனர் என்பது குறிப்பிடத்தக்கது!

Categories
Featured Sabah நாடாளுமன்றம் மாநிலம்

சபா, மூசா அமான் செப்டம்பர் 11-க்குள் பதவி உறுதி மொழி எடுக்க வேண்டும்

சபா, மூசா அமான் செப்டம்பர் 11-க்குள் பதவி உறுதி மொழி எடுக்க வேண்டும்

பொதுத் தேர்தலுக்குப் பிறகு இரவோடு இரவாக சபா முதலமைச்சராகப் பதவி ஏற்ற பின், நாட்டைவிட்டு வெளியேறிய டான்ஸ்ரீ மூசா அமான், வரும் செப்டம்பர் 11-ம் தேதிக்குள் பதவி ஏற்க வேண்டும். இல்லையேல் அவர் தனது சட்டமன்றத் தொகுதியை காலி செய்தாக வேண்டும்.
மாநில முதலாவது சட்டமன்றக் கூட்டம் தொடங்கி மூன்று மாதங்களுக்குள் ஒரு சட்டமன்ற உறுப்பினர் மாநில அரசியலமைப்புச் சட்டப்படி பதவி உறுதிமொழி எடுத்துக் கொள்ள வேண்டும் என மாநில சபாநாயகரர் டத்தோ சைட் அபாஸ் சைட் அலி   கூறியிருக்கிறார்.
தேர்தலுக்கு பிறகு மிகக் குறைந்த பெரும்பான்மையோடு மூசா அமான் மே 10-ஆம் தேதி முதல் அமைச்சராகப் பதவியேற்றார். இருப்பினும் மாநில பாரிசான் நேஷனல் கட்சியைச் சேர்ந்த சில சட்டமன்ற உறுப்பினர்கள் விலகியதைத் தொடர்ந்து, அவர் முதல் அமைச்சர் தகுதியை இழந்தார்.
அவருக்குப் பதிலாகப் பெரும்பான்மையை நிரூபித்த சபா வரிசான் கட்சித் தலைவர் சபி அப்டால் முதலமைச்சராகப் பதவியேற்றார்.
இதனையடுத்து திடீரென தலைமறைவான மூசா அமான், மே 17-ஆம் தேதி சபாவை விட்டு வெளியேறி இங்கிலாந்து சென்று விட்டார் என்பது குறிப்பிடத்தக்கது!

Categories
Featured Selangor நாடாளுமன்றம் மாநிலம்

3407 இந்தியர்களுக்குக் குடியுரிமை!

3407 இந்தியர்களுக்குக் குடியுரிமை

!

நாட்டில் குடியுரிமை கிடைக்காமல் சிவப்பு நிற அடையாள அட்டை வைத்துக்கொண்டு தத்தளித்து வந்த 3407 இந்தியர்களுக்கு, நீல நிற அடையாள அட்டை வழங்கப்படும் என்கிற இனிப்பான செய்தியை அரசாங்கம் இன்று அறிவித்துள்ளது.
இதன் மூலம் 14-வது பொதுத்தேர்தலின்போது பக்காத்தான் ரக்யாட் தமது தேர்தல் கொள்கை அறிக்கையில் வழங்கிய வாக்குறுதியை நிறைவேற்றியிருப்பதாக பிரதமர் துன் டாக்டர் மகாதீர் அறிவித்தார்.
60 வயதுக்கும் மேற்பட்ட நிரந்தர வசிப்பிட அந்தஸ்தைப் பெற்ற இந்தியர்கள் நீல நிற அடையாள அட்டை பெறுவதற்காகப் பல ஆண்டுகள் காத்திருந்து வேதனைப்பட்டு வந்தனர் என்பது குறிப்பிடத்தக்கது.
நாடாளுமன்றத்தில் நடைபெற்ற ஒரு சிறப்புச் செயற்குழு கூட்டத்திற்குப் பிறகு செய்தியாளர்களிடம் பேசுகையில் பிரதமர் இத்தகவலைத் தெரிவித்தார்!
– பெர்னாமா

Categories
Featured அரசியல் பொது செய்திகள் மாநிலம்

மலேசியாவை அன்வாரால் மட்டுமே சீர்ப்படுத்த முடியும்

மலேசியாவை அன்வாரால் மட்டுமே சீர்ப்படுத்த முடியும்!…

நடந்து முடிந்த 14-வது பொதுத்தேர்தலுக்குப்பிறகு, மலாய்க்காரர்கள் மற்றும் இஸ்லாமிய சமுதாயத்தின் நிலைக்கு பெரும் மிரட்டல் ஏற்பட்டிருப்பதால், அந்நிலையைச் சீர்ப்படுத்த டத்தோஸ்ரீ அன்வார் இப்ராஹிம் ஒருவரால் மட்டுமே முடியும் என அம்னோ தகவல் பிரிவுத் தலைவர் டான்ஸ்ரீ அன்வார் மூசா தெரிவித்திருக்கிறார்.
நாட்டுக்கு அன்வார் முக்கியமாகத் தேவைப்படுகிறார். வலுவிழந்த ஒரு கட்சி மற்றவர்களின் ஆதரவை மிகவும் நம்பியிருக்க வேண்டியிருக்கிறது.
1980-ஆம் ஆண்டுகளில் அன்வார் அரசியலில் நுழைந்தது முதல் அவர் தொடர்ச்சியாக மலாய் மற்றும் இஸ்லாமிய விவகாரங்களில் மிகவும் முனைப்புடன் செயலாற்றி வந்தவர்.
டாக்டர் மகாதீரோடு மோதத் தொடங்கியதால், அன்வாரை டாக்டர் மகாதீர் அம்னோ மற்றும் அரசாங்கப் பதவிகளிலிருந்து தூக்கி எறிந்தார்.
இப்போது எழுந்துள்ள யு.ஈ.சி கல்விச் சான்றிதழ், ஓரினக் காதல் விவகாரம் விஸ்வரூபம் எடுத்து, மலாய்க்காரர்களுக்கும், இஸ்லாமிய சமயத்துக்கும் பெரும் மிரட்டலாக விளங்குகிறது. இதைத் தொடரவிட்டால், அதற்கு அதிக விலை கொடுக்க வேண்டியிருக்கும். ஆகவே, மலேசியாவைக் காப்பாற்ற அன்வார் உதவ வேண்டும் என அன்வார் மூசா உருக்கமாக வேண்டுகோள் விடுத்துள்ளார்!

Categories
Featured Wilayah Persekutuan நீதிமன்றம் மாநிலம்

நஜிப் மீது 3 புதிய குற்றச்சாட்டுகள்….

நஜிப் மீது 3 புதிய குற்றச்சாட்டுகள்

கோலாலம்பூர் – 1எம்டிபி விவகாரம் தொடர்பில் மேலும் 3 புதிய குற்றச்சாட்டுகளை எதிர்நோக்க முன்னாள் பிரதமர் டத்தோஸ்ரீ நஜிப் துன் ரசாக் இன்று புதன்கிழமை காலை கோலாலம்பூர் நீதிமன்றம் வந்தடைந்தார். ஏற்கனவே நீதிமன்றத்தில் 4 குற்றச்சாட்டுகளை எதிர்நோக்கியுள்ள நஜிப் மீது கொண்டு வரப்படும் புதிய குற்றச்சாட்டுகள் எஸ்ஆர்சி இண்டர்நேஷனல் நிறுவனம் சம்பந்தப்பட்ட கள்ளப் பண பரிமாற்றம் தொடர்புடையவை ஆகும்.

ஜாலான் டூத்தாவில் உள்ள அமர்வு நீதிமன்றத்தில் (செஷன்ஸ்) கள்ளப் பண பரிமாற்றம் மற்றும் அம்லா எனப்படும் பயங்கரவாதம் மற்றும் சட்டவிரோத நடவடிக்கைகளின் மூலம் பணம் பெறும் சட்டம் ஆகியவை (Anti-Money Laundering, Anti-Terrorism Financing, and Proceeds of Unlawful Activities Act 2001) தொடர்பில் மேலும் 3 புதிய குற்றச்சாட்டுகளை ஊழல் தடுப்பு ஆணையம் நஜிப் மீது சுமத்தியுள்ளது.

ஏற்கனவே நஜிப் மீதிலான 4 குற்றச்சாட்டுகளைப் போன்றே இந்தப் புதிய குற்றச்சாட்டுகளும் கோலாலம்பூர் உயர் நீதிமன்றத்திற்கு மாற்றப்பட்டு, ஒரே நீதிபதியின் கீழ் ஒன்றாக விசாரிக்கப்படும்.

நேற்று செவ்வாய்க்கிழமை பிற்பகலில் ஜாலான் டூத்தாவில் உள்ள ஊழல் தடுப்பு ஆணையத்தின் பயிற்சி மையத்திற்கு (அகாடமி) நஜிப் வரவழைக்கப்பட்டு, புதிய குற்றச்சாட்டுகள் தொடர்பிலான அறிவிக்கைகள் அவரிடம் நேரடியாகத் தெரிவிக்கப்பட்டு வழங்கப்பட்டன.

1எம்டிபி நிறுவனத்தின் துணை நிறுவனமான எஸ்ஆர்சி இண்டர்நேஷனல் நிறுவனத்தின் மூலம் நடைபெற்ற 42 மில்லியன் ரிங்கிட் பணப் பரிமாற்றம் தொடர்பில் 3 நம்பிக்கை மோசடி குற்றச்சாட்டுகளையும், நிதி அமைச்சர் மற்றும் பிரதமர் என்ற முறையில் அதிகார வரம்பு மீறலுக்கான ஒரு குற்றச்சாட்டையும் ஏற்கனவே நஜிப் எதிர்நோக்கியிருக்கிறார்.

கொண்டுவரப்படவிருக்கும் புதிய குற்றச்சாட்டுகளும் எஸ்ஆர்சி இண்டர்நேஷனல் நிறுவனம் தொடர்புடையவையாகும்.

இந்தப் புதிய குற்றச்சாட்டுகள் நிரூபிக்கப்பட்டால், 5 மில்லியன் ரிங்கிட் அபராதம், அல்லது 5 ஆண்டுகள் சிறை அல்லது இரண்டும் சேர்த்து விதிக்கப்படலாம்.